InicioPolíticaÁbalos anuncia que Lugo estará conectada coa alta velocidade no 2021

Ábalos anuncia que Lugo estará conectada coa alta velocidade no 2021

Asegurou que nun ano o Executivo do PSOE investiu na provincia "case 59 millóns de euros, moitísimo máis do que investiu o Partido Popular".

PUBLICADA O

- Advertisement -

O Ministro de Fomento, José Luís Ábalos, anunciou este sábado na cidade lucense, no transcurso dun mitín dos socialistas, que Lugo estará conectado coa alta velocidade ferroviaria en 2021.

Nun acto preelectoral, que se celebrou nun dos salóns do restaurante a Palloza que quedaba pequeno con máis de 500 persoas, apelou a que ata que chegaron os socialistas ao goberno “había territorios que estaban absolutamente esquecidos”.

Asegurou que nun ano o Executivo do PSOE investiu na provincia “case 59 millóns de euros, moitísimo máis do que investiu o Partido Popular”. Ao tempo, avanzou que “agora mesmo o que é a liña de Ourense a Lugo conta cun investimento de 239 millóns”, que permitirá que Ourense, Monforte e Lugo teña conexión coa liña de alta velocidade a Madrid e se rebaixe dúas horas o traxecto.

Neste sentido, sinalou que esta acción “é grazas a un goberno que estaba en plenitude de funcións, que foron dez meses, e que agora leva cinco en funcións”, esbozaba José Luís Ábalos.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...