InicioLugo e contornaFriolLugo seguirá coa presión sobre os gorrillas pero pide que a Xunta...

Lugo seguirá coa presión sobre os gorrillas pero pide que a Xunta tamén colabore

Quere que o goberno faga gratuíto o aparcamento para evitar estas situacións.

PUBLICADA O

- Advertisement -

A alcaldesa de Lugo, Lara Méndez, informou de que o Concello, neste caso a través da Policía Local, manterá a presión sobre os gorrillas que están a exercer como aparcacoches ilegais na contorna do HULA, ademais de esixirlle á Xunta de Galicia que rebaixe as tarifas ou faga gratuíto o aparcadoiro público do propio hospital.

Méndez fixo estas declaracións despois de que o delegado territorial da Xunta, José Manuel Balseiro, informase de que ningún dos gorrillas identificados pola Policía Local está a cobrar a Renda de Integración Social de Galicia (Risga), despois de que o Concello de Lugo lle solicitara unha revisión para ver se algún deles estaba a recibir esa prestación.

“Estas oito persoas non son perceptoras da Risga, pois nós seguiremos facendo noso labor de control e de disuasión destas persoas para que non exerzan unha actividade ilícita. Seguiremos facendo o noso traballo”, dixo Méndez aos medios de comunicación. “Se temos identificadas a outras persoas, pasarémoslle novamente a información á Xunta, porque entendemos que se son perceptores da Renda de Integración Social de Galicia hai que facer algo”, dixo.

Tamén anunciou que o Concello de Lugo seguiralle insistindo á Xunta de Galicia que baixe “as tarifas” do aparcadoiro público do HULA, dado que as considera moi elevadas. De feito, afirmou que se o aparcadoiro fose gratuíto, “non estariamos a falar de gorrillas ou se limitaría moito a actuación dos mesmos”.

ÚLTIMAS

Enrique Rozas renuncia por “asuntos persoais e familiares” á súa acta de concelleiro no Concello de Lugo

O edil do PP no Concello de Lugo, Enrique Rozas, anunciou este luns en rolda de prensa...

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...

O PP presentará dúas iniciativas no Senado para reclamar ao Goberno a chegada da alta velocidade

O PP lucense anunciou este luns en Lugo que presentará dúas iniciativas no Senado...