InicioPolíticaO PP mételle présa á Deputación para saber que vai pasar co...

O PP mételle présa á Deputación para saber que vai pasar co persoal de Suplusa

Pídenlle ao presidente provincial que convoque unha reunión para aclarar a situación dos traballadores do ente mercantil, posto que "non se deu información" ao respecto.

PUBLICADA O

- Advertisement -

O grupo provincial do PP úrxelle ao presidente da Deputación que fixe “canto antes” unha reunión de traballo para coñecer como vai ser a integración de SUPLUSA na Deputación. Din estar preocupados polo futuro dos traballadores deste ente, para cuxa disolución está previsto un pleno extraordinario o vindeiro 12 de setembro.

O representante popular na Sociedade, José Antonio García, xustifica a petición do PP alegando que, a escasos días da Xunta Xeral, o goberno provincial “nin nos convocou nin nos deu información das condicións dos traballadores e das persoas que foron seleccionadas para traballar nas residencias”. Coida que o “lóxico” sería terse citado xa para abordar estas cuestións, pero entende que a José Tomé “preocupáballe máis o titular ca unha integración do ente mercantil”.

Así pois, o PP apura ao presidente da Deputación para que convoque unha xuntanza e solucione as dúbidas. “O que queremos saber, en aras da transparencia e do rigor que sempre aplicamos en todos os asuntos da Deputación, é se o persoal da Sociedade e o que xa debería estar traballando nos centros da terceira idade van ter algún novo dereito neste proceso”, conclúe José Antonio García.

 

ÚLTIMAS

O Concello de Lugo modifica horarios de traballadores e instalará paneis especiais nas escolas infantís pola calor

O pleno ordinario de xuño do Concello de Lugo abriuse este luns coa intervención...

Lara Méndez, “tranquila” ante a situación de José Tomé nas primarias: “Cando detectamos un problema, dámoslle solución, non coma o PP”

A secretaria de Organización do PSdeG, Lara Méndez, dixo estar "tranquila" ante a situación do...

A Ofrenda do Antigo Reino de Galicia celébrase en Lugo por primeira vez como Ben de Interese Cultural

A cidade de Lugo acolle este domingo, 29 de xuño, unha nova edición da...

A Fiscalía pide 20 anos de prisión para un home acusado de violar dúas veces a unha muller en Lugo

A Audiencia Provincial de Lugo acollerá os días 3 e 4 de xullo o...