InicioPolíticaO Concello de Lugo 'regala' espazos publicitarios dende 2016

O Concello de Lugo ‘regala’ espazos publicitarios dende 2016

A empresa que xestionaba a publicidade no mobiliario urbano segue a explotar sen contrato co Concello espazos a un prezo de 12.000 euros semanais

PUBLICADA O

- Advertisement -

Hai 21 meses que caducou a licitación da publicidade no mobiliario urbano, que xa fora prorrogada en varias ocasións, en setembro de 2016. Entón xa o denunciara Lugonovo, que de novo advertiu da situación en 2017, e agora esta formación volve lembrar da inexplicable perda de recursos por parte do Concello de Lugo. Con todo, a empresa que xestionaba este servizo segue lucrándose grazas a estes espazos

Este aproveitamento irregular afecta ás marquesinas e os mupis, os soportes de cristal instalados nos grandes espazos públicos. A empresa estadounidense Clear Channel segue a indicar no sitio web a presenza en catro tipos de soporte en Lugo: play live, centros comerciales e mobiliario urbano.

E segundo os datos proporcionados pola axencia Oblicua, en Lugo hai 40 soportes con publicidade polas dúas caras a un prezo de alquiler de case 12.000 euros semanais (sen impostos), cifras que coinciden coas do sector local. Clear Channel nin sequera ten que asumir o mantemento das instalacións, pois corresponden á corporación municipal.

Dende Lugonovo denuncian que o executivo lucense é consciente da situación e non actúa para remediala. Coma explicou Cristina Pérez Herráiz, voceira do partido, “esta conivencia está a propiciar unha perda de ingresos para o Concello, pero tamén posibilita que un negocio particular se enriqueza a costa de apropiarse de mobiliario urbano. Un mes, dous, pode pasar, pero vinte e un… tanta deixadez dá que pensar”.

Así as cousas, esta formación pediu reiteradamente a redacción de pregos para unha nova adxudicación que asegure estes ingresos a través da competencia entre os diversos operadores. “Instamos ao executivo a por orde e rematar coas anomalías detectadas”, dixo Herráiz. En Lugonovo calculan que dende que caducou a licitación, a empresa podería ter embolsado uns 250.000 euros pola inoperancia do executivo local.

ÚLTIMAS

A Xunta dá a autorización administrativa previa a un parque eólico que se situará en Abadín e A Pastoriza, en Lugo

O Diario Oficial de Galicia (DOG) publica este xoves a resolución do 18 de...

O PP de Lugo reclamará ao Goberno desde os plenos a falta de médicos en Atención Primaria

O PP de Lugo levará aos plenos municipais da provincia iniciativas para reclamar ao...

Miguel Fernández aposta pola continuidade “con pequenos axustes” en urbanismo

O alcalde de Lugo, o socialista Miguel Fernández, asinou o novo decreto de organización do...

Norvento recibe 27,5 millóns de fondos europeos para a planta de cero emisións que construirá en Lugo

Norvento informou este martes de que resultou seleccionada para obter unha axuda do Fondo Europeo...