InicioEconomíaA presidenta da Deputación felicita a Bico de Xeado polo XXVI Premio...

A presidenta da Deputación felicita a Bico de Xeado polo XXVI Premio Aresa

Carmela López trasladou as súas felicitacións a esta empresa “que destaca polo seu modelo sostible e produtivo e que conta con máis de 30 xearías por todo o territorio nacional"

PUBLICADA O

- Advertisement -

A Presidenta da Deputación de Lugo, Carmela López, participou este venres no acto de entrega do XXVI Premio Aresa de Desenvolvemento Rural, que nesta edición distinguiu á cooperativa Bico de Xeado polo seu compromiso co campo galego e a súa contribución ao fortalecemento do sector primario. Este galardón, que está dotado cun premio de 10.000€ e que organiza conxuntamente o Grupo Aresa e a Universidade de Santiago de Compostela, entregouse no auditorio da Facultade de Veterinaria do campus lucense.

Carmela López trasladou as súas felicitacións a esta empresa “que destaca polo seu modelo sostible e produtivo e que conta con máis de 30 xearías por todo o territorio nacional. Ademais, ten unha cooperativa agraria que leva traballando no sector desde os anos 80 e conta xa con 30 cooperativas socias”. Nesta liña, a mandataria provincial realizou unha mención especial aos outros dous proxectos que resultaron finalistas desta vixésimo sexta edición recalcando que “Gandería Quintián e Hifas da Terra son tamén proxectos que reflexan o talento e a innovación que temos no rural galego”.

Así mesmo, a Presidenta da Deputación agradeceu “tanto á Universidade de Santiago de Compostela como ao Grupo Aresa a organización dunha nova edición deste galardón, que recoñece iniciativas que melloran o benestar da xente do rural, que impulsan o I+D+i no ámbito agrícola e que desenvolven a súa actividade respectando os recursos naturais e o medio ambiente”.

O xurado desta convocatoria, á que se presentaron once candidaturas, estivo conformado polo reitor da USC, Antonio López Díaz, o vicerreitor de Organización Académica e do Campus de Lugo, Francisco José Fraga López; a presidenta de Aresa, Carlota López Pardo; a CEO de Granja Campomayor, María García Busto; e o catedrático de Química Analítica, Carlos Herrero Latorre.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...