InicioEconomíaO BNG organiza un acto informativo sobre a situación da produción ecolóxica

O BNG organiza un acto informativo sobre a situación da produción ecolóxica

Valorouse, xunto cos produtores en ecolóxico, a situación pola que está a pasar o sector por mor da falta de previsión da Consellaría de Medio Rural á hora de destinar as suficientes partidas orzamentarias para garantir as axudas a esta modalidade de produción.

PUBLICADA O

- Advertisement -

O acto, que tivo lugar no Hotel Torre de Núñez de Lugo o martes 27 de decembro, contou coas intervencións de Ana Miranda, deputada no Parlamento europeo, o portavoz de Agricultura e Gandaría do BNG no parlamento galego, Xosé Luis Rivas “Mini” e a portavoz de Desenvolvemento rural do BNG no Parlamento galego, Carme Aira.

Ana Miranda explicou que o Partido Popular á fronte da Xunta non quixo prever a grande afluencia de solicitudes para sumarse á agrogandaría ecolóxica “con arredor de 12.000 novas hectáreas para a incorporación en ecolóxico, o Goberno galego só reservou 3,18 millóns cando precisaba 5,6 millóns; iso chámase falta de planificación e actuar cun descoñecemento que vive do noso agro”.

Neste senso, a eurodeputada sinalou “o Goberno galego ten que ser flexible e non deixar a ninguén atrás, a ningunha das persoas que cumpre o que se pide desde Europa para desenvolver a transición ecolóxica”.

O deputado do BNG Xosé Luís Rivas “Mini” destacou a urxencia de completar con fondos propios as axudas á produción ecolóxica. Neste senso sinalou que “desde o BNG témolo claro, hai que destinar 2M€ con fondos propios da Xunta para non deixar no precipicio ás persoas produtoras, as que xa tiveron que pagar diferentes gastos para iniciarse a este modelo e puxeron os seus recursos en risco”.

A mesa cos tres inervintes do BNG. Foto: BNG

Por outra banda, a deputada Carme Aira incidiu na necesidade doutra política agraria “o obxectivo do Partido Popular é acabar coas pequenas explotacións agrogandeiras, e en definitiva co rural, por isto o BNG defende unha verdadeira reforma estrutural do sector que poña Galiza na vangarda e a altura de Europa”.

ÚLTIMAS

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Detido en Lugo acusado de violencia machista

A Policía Local de Lugo detivo o pasado 25 de maio a un home de 49 anos...