InicioEconomíaA CIG denuncia o desmantelamento da factoría de Tegestacín en Outeiro de...

A CIG denuncia o desmantelamento da factoría de Tegestacín en Outeiro de Rei

O sindicato considera estes feitos unha "fraude", polo que rexistrou unha denuncia ante a Garda Civil ao entender que Tegestacín leva a cabo "unha clara operación 'B' nesta empresa".

PUBLICADA O

- Advertisement -

A CIG denunciou o desmantelamento das instalacións da factoría da empresa láctea Tegestacín (antigo Leite Pascual) en Outeiro de Rei e presentou unha querela criminal contra a compañía ao entender que acomete unha “operación B” mentres non resolve o proceso concursal e debe salarios e indemnizacións aos traballadores.

Nun comunicado, a central nacionalista incidiu en que existen “evidencias suficientes” para determinar que os administradores da planta comente un delito de insolvencia punible. A factoría de Tegestacín no municipio lugués permanece sen actividade desde principios deste ano, cando fracasou a negociación dun ERE.

A CIG asegura que aínda se debe aos traballadores salarios e indemnizacións e acusa á compañía de desmantelar as súas instalacións, o que, din, botou por terra o suposto interese espertado por outras empresas para facerse coa planta.

O sindicato considera estes feitos unha “fraude”, polo que rexistrou unha denuncia ante a Garda Civil ao entender que Tegestacín leva a cabo “unha clara operación ‘B’ nesta empresa”.

“Lonxe de avanzar no procedemento concursal, a empresa retomou esta semana o desmontado da maquinaria nas instalacións coa idea da venda completa a empresas de chatarra e sen garantías de repercutir os importes das operacións sobre as débedas actuais”, aseverou a CIG.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...