InicioEconomíaA hostalaría de Lugo, "a piques de tirar a toalla" ante as...

A hostalaría de Lugo, “a piques de tirar a toalla” ante as novas restricións

As indemnizacións articuladas pola Xunta para os negocios que non abran en fin de ano "non son suficientes" aínda que son "benvidas", indica o presidente da Asociación de Empresarios de Hostalaría de Lugo, Cheché Real.

PUBLICADA O

- Advertisement -

O presidente da Federación Galega de Hostalaría e presidente da Asociación de Empresarios de Hostalaría de Lugo, Cheché Real, afirmou que o sector “está a piques de tirar a toalla” tras as novas limitacións decretadas en Galicia.

Ante as restricións ditadas pola Xunta polo avance da sexta onda da pandemia e que levará a moitos establecementos de lecer nocturno a botar o peche, Real sinalou que se trata de “unha volta de torca máis no económico ao sector da hostalaría e do turismo, que está a piques de tirar a toalla”.

Datas como as de Nadal supoñen ata un 25 ou un 30 por cento dos ingresos do ano e estes días estamos limitados e a situación é moi difícil”, apuntou, antes de incidir en que as indemnizacións articuladas pola Xunta para os negocios que non abran en fin de ano “non son suficientes” aínda que son benvidas desde o sector. “Calquera negocio de lecer nocturno sacaría máis en calquera desas noites, aínda que peor sería non ter ningún tipo de indemnización”, manifestou Cheché Real.

“Necesítanse axudas de todo tipo porque nós temos que seguir pagando as nosas facturas e con todo os nosos ingresos non son os mesmos. Por orde gubernativa estamos limitados pero os pagos témolos que facer ao cento por cento. Isto non é viable, nin rendible“, protestou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...