O presidente da Asociación de Distribuidores de Lugo (ADISLUGO), Eloy García, volveu reclamar “axudas directas” á Xunta para paliar a situación que vive o sector pola pandemia. O empresario lucense advertiu da caída de facturación que rexistrou ao sector, de “entre un 40 e un 60 por cento” desde o 14 de marzo do pasado ano ata a mesma data deste 2021.
García constatou que levan “varios intentos” para que o Goberno galego abra unha liña de apoio e trasladaron “un par de propostas neste sentido” que finalmente non foron respondidas. Son máis de 70 empresas as que operan en Lugo neste sector “con 500 empregos directos, rozando os seiscentos, e outras duascentas empresas de provedores” que traballan con ADISLUGO.
Por todo iso Eloy García demandou da Xunta que colabore cunha liña de apoio co fin de evitar tamén o despedimento de moitos dos traballadores da distribución na provincia de Lugo.
