EFE |  O grupo municipal do Partido Popular no Concello de Lugo propón que a cidade presente oficialmente a súa candidatura para ser Capital Gastronómica Española 2022.

Os populares reuníronse esta fin de semana coa directiva da Asociación Provincial de Empresarios de Hostalería e Turismo de Lugo (APEHL), que preside Cheché Real, para presentarlles a súa proposta. De feito, teñen a intención de levar esa iniciativa a pleno este mesmo mes, co obxectivo de conseguir un pronunciamento favorable por parte da corporación municipal.

Ademais, o PP anuncia que manterá proximamente novos contactos con sectores da economía local que poderían beneficiarse tamén desta proposta. Segundo o PP, “Lugo ten unha contorna única, tanto polo peso que ten a restauración, como pola materia prima da que dispoñemos”. Por iso, “para erixirse como a mellor candidata só falta o apoio político e social”, afirma o PP de Lugo.