InicioSociedadeTres 'influencers' convidan a facer compras de San Valentín nos comercios de...

Tres ‘influencers’ convidan a facer compras de San Valentín nos comercios de Lugo

A Asociación de Autónomas e o Concello de Lugo lanzaron unha campaña para apoiar os negocios da cidade fronte ás grandes superficies. Así, convidaron as instagrammers Laura de Santiago, Laura Méndez e Patricia García Lema, cuxos seguidores suman preto de 200.000.

PUBLICADA O

- Advertisement -

A Asociación de Autónomas e o Concello de Lugo lanzaron unha campaña con tres influencers galegas para fomentar as compras na cidade de cara a San Valentín. As ‘instagrammers’ Laura de Santiago (@lauradesantiago), Laura Méndez (@Oystertrend) e Patricia García Lema (@DonkeyCool) foron convidadas aos comercios do centro da cidade para amosarlles aos seus seguidores a ampla variedade de produtos que se poden atopar na capital lucense.

As tres influencers —que suman en conxunto preto de 200.000 seguidores— pasearon polas rúas da cidade na compañía do modelo Hugo Aja e coas bolsas de ‘Lugo é capital’ baixo do brazo. Visitaron diversos comercios nos que probaron roupa e complementos, ao tempo que se informaban dos diferentes servizos dispoñibles para desfrutar do Día dos namorados, ben con parella ou ben con amizades.

O modelo Hugo Aja, e as influencers @lauradesantiago, @donkeycool e @oystertrend, de compras pola cidade de Lugo | ALX

En palabras de Marta López Yáñez, presidenta da Asociación de Autónomas de Lugo, “as campañas de apoio ao comercio de proximidade son importantísimas e deberían ser constantes. Dan pé e amosan outras maneiras de aproveitar as diferentes ferramentas do mundo dixital que, como vemos, non se cinguen á apertura dunha tenda online”, argumenta.

POLA SUPERVIVENCIA DO COMERCIO LOCAL

A iniciativa inclúese na marca ‘Lugo é capital’, proxecto creado para impulsar o comercio local baixo unha identidade única, ao tempo que se procura fomentar o sentimento de veciñanza. É unha maneira, din, de tirar pola xente para que se implique na supervivencia dos pequenos negocios fronte ás grandes superficies e plataformas online.

Segundo o concelleiro de Desenvolvemento Local e Emprego, Mauricio Repetto, esta campaña é unha “clara mostra” dese “esforzo” que fan as comerciantes para renovarse reiventarse nun escenario no que nada lles é doado.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...