O delegado territorial da Xunta de Galicia, José Manuel Balseiro, informou este xoves de que Lugo foi a provincia galega na que máis creceu a demanda turística durante o pasado verán, entre os meses de xullo e agosto, ao incrementarse o número de pernoitas en case un 15%.
Balseiro precisou que tamén aumentou considerablemente o número de viaxeiros aloxados en establecementos da nosa provincia, concretamente nun 17,7% en relación co mesmo período do ano anterior.
Nos establecementos turísticos regulados da provincia de Lugo rexistráronse 211.889 visitantes, que fixeron 412.415 noites nos mesmos, o que fai unha media de dúas pernoitas por turista.