InicioDeportesTito Díaz loubou aos seus xogadores: "Están moi implicados"

Tito Díaz loubou aos seus xogadores: “Están moi implicados”

O novo primeiro adestrador de Cafés Candelas Breogán adiantou que que Henk Norel estará na convocatoria

PUBLICADA O

- Advertisement -

Tito Díaz, novo primeiro adestrador de Cafés Candelas Breogán, estrearase nesta segunda etapa no banquillo breoganista este domingo ás 12:30 horas contra Montakit Fuenlabrada.

O técnico lucense adiantou que terán que “manter moitas cousas que se facían”, “tentando adaptar” o seu baloncesto e que o estilo propio de Tito Díaz “sume” porque “varía un pouquiño” con respecto ao anterior. Loubou aos seus xogadores porque “a predisposición é moi boa”, “están a traballar moi ben” e “están moi implicados”.

Analizou que Montakit Fuenlabrada “fai un baloncesto moi dinámico, con Jota Cuspinera aumentaron o número posesións”, “xoga moito en transicións”, “moi verticais ao aro”, “con moi bo xogo exterior”, “xeran situacións abertas” e os breoganistas terán que “partir da defensa”.

Tito Díaz explicou que teñen “o efecto xogadores, que queren reivindicarse, unido ao efecto Pazo”. Explicou que “é a mellor afección” que poden ter. “Somos nós os que temos que tirar da afección”, lembrou. “Estamos en débeda coa afección”, engadiu.

En canto a Henk Norel, contestou que “comezou a adestrar co equipo, o seu proceso vai lento, pero vai”. Adiantou que “vai estar” con eles no partido e “imos ver” se “pode axudar”, polo que estará na convocatoria.

Tito Díaz dixo que está “encantado” cos veteráns, que “son os que máis están a aportar”, así como calificou de “moi importantes” a Lucio Redivo e Aleksandar Cvetković.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...