O Club Deportivo Lugo sumou un empate en Almería (1-1). Os lucenses dominaron o balón no treito inicial. Así a todo, o coruñés Juan Carlos Real, ex do Dépor, abría o marcador no minuto 7 despois dun disparo dende fóra do área tras zafarse de Fernando Seoane e que entrou por preto da escadra esquerda de Juan Carlos Martín. O Lugo respondeu cun disparo ao pau de Dani Escriche despois dunha deixada de Cristian Herrera. No minuto 19, empataba o Lugo merced a un gol de penalti de Cristian Herreira, o seu quinto en Liga e seis sumando un tanto en Copa, ao enganar ao porteiro. Herrera leva asinados tres goles de penalti nos recentes catro partidos ligueiros, ademáis dun cuarto en xogada.
No minuto 36, Luis Ruiz foi expulsado nun duelo aéreo despois de recibir a segunda cartulina amarela. Dende aí, o Lugo sofreu, pero foi sólido a nivel defensivo.
No comezo da segunda metade, Esteban Saveljich cabeceuou ao longueiro un saque de esquina botado por Juan Carlos Real. No treito final, Juan Narváez fallou unha clara ocasión a bocaxarro. No minuto 87, o local Sekou Gassama foi expulsado por pelexarse con Miguel Vieira.
Os lucenses suman 20 puntos.