O Club Deportivo Lugo perdeu contra o Cádiz C.F. (1-2) na undécima xornada de La Liga 1|2|3.

Os lucenses adiantáronse no minuto 11 cun gol de penalti de Carlos Pita. É o cuarto gol de Pita nesta liga, os 4 nas últimas 6 xornadas. No minuto 18, o Cádiz igualaba cun golazo de Manu Vallejo despois dun control exquisito e regates ante Miguel Vieira e Eduard Campabadal antes de batir a Juan Carlos Martín de disparo raso.

Na segunda metade, o Cádiz buscou máis e mellor a portería rival. No minuto 86, atopou o froito do gol despois dun disparo á escadra de Jairo Izquierdo tras unha apertura de Álex Fernández tras xogada individual de Manu Vallejo.