InicioDeportesO Breogán gaña o derbi galego nunha exhibición defensiva (69-56)

O Breogán gaña o derbi galego nunha exhibición defensiva (69-56)

Os lucenses venceron ao Monbús Obradoiro despois de só encaixar 9 puntos en cada un dos dous primeiros cuartos e impoñer o seu ritmo no treito final

PUBLICADA O

- Advertisement -

O Cafés Candelas Breogán sumou a súa segunda vitoria da tempada en Liga Endesa ao vencer ao Monbús Obradoiro (69-56).

Os lucenses foron superiores dende o comezo. Nos primeiros intres, e pese a lesión de Tarence Kinsey, o Breogán asinaba xa un 10-2 baseado nunha magnífica defensa e no seu maior acerto ofensivo. O Obradoiro só foi capaz de anotar 9 puntos en cada un dos dous primeiros cuartos. Nacho Llovet, ala-pívot do equipo de Compostela, aportou 9 puntos nos dous primeiros cuartos. Os breoganistas vencían xa ao descanso por 13 puntos (31-18) ante un Obradoiro que só anotou 4 canastras de campo até o descanso. Os lucenses, incluso, desaproveitaron opcións dabondo para ampliar diferenzas.

No comezo do terceiro cuarto, Kostas Vasileaidis anotou dúas triplas consecutivas e Obradoiro comezaba a ter máis fluidez na anotación. Pese a todo, o Breogán mandaba ao final do terceiro período polos mesmos 13 puntos que ao descanso despois dunha penetración de Lucio Redivo na última posesión e unha interesante aportación de Jöhan Lofberg.

No último cuarto, o Obradoiro chegou a colocarse a 4 puntos (55-51), pero o poderío na zona de Jerome Jordan, o liderazgo de Sergi Vidal e unha tripla de Aleksandar Cvetkovic certificaban a vitoria lucense.

Sergi Vidal e Lucio Redivo foron os máximos anotadores do Breogán con 12 puntos, polos 14 de Nacho Llovet en Obradoiro.

 

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...