InicioDeportesUna nova lección maxistral de Carlos Pita aleda ao Club Deportivo Lugo...

Una nova lección maxistral de Carlos Pita aleda ao Club Deportivo Lugo (1-0)

Os lucenses suman 12 puntos despois do terceiro gol nesta tempada do mediocentro coruñés, os tres anotados nas últimas cinco xornadas

PUBLICADA O

- Advertisement -

O Club Deportivo Lugo sumou a súa terceira vitoria na Liga e o terceiro partido oficial sen encaixar gol ao vencer ao Gimnástic de Tarragona (1-0) cun novo golazo de Carlos Pita, terceiro en cinco xornadas. Os lucenses contabilizan 12 puntos arestora. Pita, ao marxe do gol, foi novamente o principal creador de xogo dos albivermellos.

Os lucenses dominaron o balón na primeira metade, pero sen apenas ocasións. No minuto 24, opción de Carlos Pita despois dunha xogada de José Carlos Lazo. Á media hora, o Nàstic, que apenas xogou en campo contrario na primeira parte, tivo unha clarísima opción despois dunha incursión de Abraham Minero, que supera a dous rivais, centra e Manu del Moral remata cun fermoso taconazo, pero Juan Carlos Martín desviou con axilidade e reflexos. Cinco minutos despois, avisou Vasyl Kravets cunha falta directa que non colleu portería. No minuto 41, o gol. Xogada de Lazo, que abre a Kravets centra e, tras un rexeite, volea de Carlos Pita a gol para marcar o 1-0 no seu terceiro gol da temporada, os tres nas últimas cinco xornadas. Tres minutos despois, Manu del Moral buscou a igualada, pero Miguel Vieira, moi atento ao corte en todo o partido, detivo a opción.

No descanso, Javi López, tal e como anunciou despois en rolda de prensa, dosificou a Sergio Gil e incorporou a Giorgi Aburjania. O Lugo seguiu dominando e tivo ocasións para ampliar a diferenza. Por exemplo, Iriome disparou ao pau despois dunha xogada individual e zurdazo colocado. Intres despois, Kravets bota unha falta directa, o balón tócao levemente un xogador visitante e Becerra enviou a saque de esquina. O Nàstic comezou a crear con Javi Márquez como organizador e Manu Barreiro en punta de ataque, ambos entrando dende o banco. Mediada a segunda metade, Pita volvía avisar cun disparo dende fóra do área excesivamente alto. Barreiro respondía cun cabezazo fóra en plancha despois dun centro de Javi Márquez dende banda esquerda. No minuto 79, a mellor opción do Nàstic cun centro de Omar Perdomo dende banda dereita e Manu del Moral remataba cruzado levemente desviado dos tres paus. No minuto 85, balón ao espazo de Antonio Campillo para Aburjania, que regatea a Isaac Becerra, cede atrás e Dani Escriche disparou alto. Un cabezazo alto de Raúl Albentosa despois dun saque de esquina no minuto 91 puido dar o empate para os tarraconenses, pero o Lugo asinou o seu terceiro partido consecutivo sen encaixar gol e suma xa 12 puntos.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...