O Club Voleibol Emevé Lugo, que competirá a vindeira tempada en Superliga 1, máxima categoría do voleibol español, anuncia a contratación da central arxentina Natalia Aispurúa, de 1.92 metros de estatura, 26 anos e procedente do Evreux Volley-Ball, da Ligue A, máxima categoría de Francia. É internacional arxentina en 60 ocasións e, incluso, é unha das capitás.
Segundo o Emevé, é “unha xogadora con gran experiencia que aporta estabilidade tanto ofensiva coma defensiva no centro da rede”. Ademáis, o club síntese “orgullo” de que “represente” as súas “cores”.
Hoxe en día, o Emevé conta con 13 xogadoras en plantilla coa citada central Natalia Aispurúa, a tamén central Irene Yáñez, a a central Laura Villasante, a tamén central María Aguiar, a central Anllelivis Caballero, a receptora Lucía Prol, a líbero Eliana González, a colocadora Carmen Saá, a aposta Julia Paradela, a colocadora Ivelina Avramova, a receptora Tea Andric´, a líbero Paula Lorenzo e a colocadora María Rodríguez Sanjurjo. Anllelivis Caballero, Ivelina Avramova, Tea Andric´e María Rodríguez Sanjurjo son as catro fichaxes polo do momento. Anllelivis Caballero e María Rodríguez Sanjurjo son xuvenís. A idea do club é contar con 13 ou 14 fichas.
O club lucense comezará a tempada o sábado 12 de outubro en Las Palmas contra IBSA CV CCO 7 Palmas.
