Anllelivis Caballero, nova fichaxe do C.V. Emevé Lugo

Anllelivis Caballero é a nova fichaxe do Emevé. Foto das canles oficiais do C.V. Emevé Lugo.

A central Anllelivis Caballero é nova xogadora do Club Voleibol Emevé, que competirá a vindeira tempada en Superliga 1, máxima categoría do voleibol español. É a primeira fichaxe do equipo presidido por Bibí Bouza despois das renovacións da receptora Lucía Prol, da líbero Eliana González e da colocadora Carmen Saá.

A central, de 2.02 metros de estatura e 16 anos, procede do C.V. Cabezo De Torres.

O club califica a Anllelivis Caballero de “xove talento” e considera que José Valle, adestrador do Emevé, “fará, sen dúbida, que Anllelivis chegue ao nivel máis alto”, polo que lle dan a “benvida” á súa “familia”.

 

7 COMENTARIOS

DEIXAR UN COMENTARIO

Please enter your comment!
Please enter your name here