Javi López, adestrador do Club Deportivo Lugo, compareceu na rolda de prensa previa ao partido da primeira xornada de La Liga 1|2|3 contra o Málaga C.F. mañá sabado no estadio Ángel Carro a partir das 19:30 horas.
López afirmou que o equipo chega “ben” e o “normal para estas alturas“. Explicou que están “prácticamente sen lesionados”, salvo Eduard Campabadal, que “cada vez está máis no ritmo de adestramentos“.
O técnico barcelonés comentou que o Club Deportivo Lugo “vai dar moito traballo, vai dar boas tardes de fútbol” e considera que van rendir “exitosamente“.
Opinou que o Málaga C.F. é “un moi bo equipo, un dos importantes“, ademáis de “por nomes importante e un bloque sólido“. Subliñou que “non encaixa moito, sempre está ben organizado“. Tamén, engadiu que o seu adestrador, Juan Ramón López Muñiz, “sabe o que é a categoría, conseguiu un ascenso”. Muñiz ascendeu en dúas ocasións: co propio Málaga en 2008 e co Levante U.D. en 2017.
Por último, lembrou que a Segunda División será esta tempada “complexa pola cantidade de equipos importantes”.
