InicioDeportesA salvación do Lugo, un dos últimos milagres do 'Deus' Maradona

A salvación do Lugo, un dos últimos milagres do ‘Deus’ Maradona

O futbolista arxentino faleceu este mércores por unha parada cardiorrespiratoria.

PUBLICADA O

- Advertisement -

EFE | Un vídeo do exfutbolista Diego Armando Maradona fixo crer ao CD Lugo que era posible certificar en xullo a permanencia do equipo en LaLiga SmartBank. Aquel foi un dos últimos ‘milagres’ do ‘deus’ arxentino, que faleceu este mércores.

O entón adestrador do Lugo, Juanfran García, revelou despois de obrar a salvación do equipo, como motivara aos seus xogadores na xornada que pechou o campionato, na que os branquivermellos remontaron un tanto ante o Mirandés (2-1).

“Poñemos sempre un vídeo de motivación e sempre fomos incrementando o nivel ata este partido. O corpo técnico fixémoslle un agasallo aos xogadores. Rompémonos a cabeza, púxenme en contacto cunha persoa: Diego Armando Maradona. El mandoulles un vídeo“, relatou tras a xesta da permanencia.

Coa ‘man de deus’, o Lugo alcanzou un logro que parecía imposible. “Cando o viron quedaron… Díxenlles que o imposible ás veces faise realidade. Que se conseguiran que lles mandara ánimos Maradona, podían conseguir o que quixesen. Deus estivo connosco”, asegurou hai uns meses o xa exentrenador do Lugo.

Eterno Diego. A túa inspiración quedará sempre ligada á nosa memoria”, publicou este mércores o Lugo nas súas redes sociais tras coñecerse o falecemento de Maradona.

ÚLTIMAS

Cae parte do teito do Xulgado do Social número 4 de Lugo, o que obriga á recolocación de traballadores e a xuíza

A xuíza decana dos Xulgados de Lugo, Olalla Díaz Sánchez, ordenou o peche provisional do...

José Tomé: “A elección de Miguel Fernández foi consensuada. Quedou asinada. Foi un proceso totalmente lucense”

Xa vexo que tes moitos papeis enriba da mesa. E iso?  (Ri) Depende de por...

Catro anos de internamento para un mozo por agredir sexualmente a un neno de 8 anos en Lugo

Un mozo foi condenado polo Xulgado de Menores de Lugo a catro anos de internamento en...

O proxecto Renace de Lugo: buscando as claves da boa xenética dos centenarios galegos

O proxecto Renace (Rexistro Nacional de Centenarios de España), que se impulsa desde Lugo, estuda...