InicioDeportesO porteiro vilalbés Ángel Fraga ficha polo Rápido de Bouzas

O porteiro vilalbés Ángel Fraga ficha polo Rápido de Bouzas

PUBLICADA O

- Advertisement -

O porteiro vilalbés Ángel Fraga Camba é novo gardameta do Rápido de Bouzas, equipo vigués de Segunda División B e que rematou en quinta posición no grupo primeiro a pasada tempada. Procede do Ourense C.F., de Terceira División, co que xogou oito partidos. Comezou a campaña no C.C.D. Cerceda, en Segunda B, competindo nun encontro de liga e dous de Copa Deputación.

Fraga, de 22 anos, formouse no R.C. Celta de Vigo, tanto no filial como en categoría xuvenil en División de Honra. Previamente, defendeu as cores de Rácing Vilalbés. Foi convocado co primeiro equipo ao partido de volta de oitavos de final da Europa League fronte o F.C. Krasnodar no desprazamento ao sur de Rusia.

Debutou co filial celtiña, en Segunda B, o 14 de maio de 2016 na vitoria ante o Real Valladolid B (4-2) na derradeira xornada de liga.

Ángel Fraga sobresae pola súa axilidade, velocidade e xogo de pés.

O vilalbés é estudante de Enxeñería Industrial.

O Rápido de Bouzas leva realizadas 15 fichaxes para a vindeira tempada nun proxecto dirixido polo adestrador Jorge Otero, ex futbolista internacional.

 

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...