InicioCulturaO mellor blues, gratis en Lugo

O mellor blues, gratis en Lugo

O blues de Gisele Jackson chega a Lugo este domingo nun concerto na praza Bispo Basulto.

PUBLICADA O

- Advertisement -

O blues de Gisele Jackson chega a Lugo este domingo. Será o vindeiro 31 de marzo, ás 13:30 horas,  na praza Bispo Basulto (entre a Praza do Campo e a Catedral), nun concerto totalmente gratuíto no que amosará parte da súa obra, que conta cun grande recoñecemento a nivel internacional.

De feito, Jackson participou durante anos en xiras de persoeiros tan importantes no mundo da música como Ray Charles ou Donna Sumer, entre outros. A revista Billboard elevouna á categoría de diva a raíz do seu gran éxito mundial, o clásico de baile Love Commandments. O single alcanzou o número 3 na lista de baile de Billboard, catapultando a Gisele ao olimpo da música house e dance.

UNHA DIVA DO BLUES

Gisele Jackson, naceu en Baltimore, Maryland, é unha cantante e diva da música house recoñecida mundialmente polos seus éxitos internacionais. Graduouse na Universidade de Howard e comezou a súa carreira cunha primeira banda de soul clásica e actuou por máis de 18 países en América do Norte, Asia, Europa e África, e visitou en solitario os principais clubs de jazz de USA.

Foi teloneira de artistas da talla de Perico Ponte, Bette Midler, The Commodores, B-52 e unha gran cantidade de xigantes da música. Ademais, chegou a actuar nos éstreos e cerimonias de premios de Hollywood e apareceu na gran pantalla cantando na película First Wives Club. Foi a encargada de cantar na tóma de presidencia do mesmo Bill Clinton. Tamén participou noutros proxectos como no teatro, con papeis como Effie en Dream Girls, Bessie en Life & Death of Bessie Smith”, Evilene en The Wiz, Luttibelle en Purlie e Frankie en Carmen Jones. Chegou á televisión cunha campaña comercial mundial para Johnnie Walker.

III FESTIVAL DE BLUES

A Deputación de Lugo, en colaboración co Concello de Lugo, está a organizar a nova programación do Festival de Blues, unha iniciativa totalmente gratuíta coa que ambas as institucións traen a Lugo a artistas  punteiros doblues así como as novas promesas deste xénero, chegados de distintos puntos do mundo. A programación presentarase nos vindeiros días.

ÚLTIMAS

Piden 15 meses de prisión para un home que humillou a un camareiro en Lugo por ser estranxeiro e pola súa orientación sexual

A Fiscalía pide 15 meses de prisión e multas por 3.600 euros para un...

O Goberno de Lugo apoia a proposta de que a ponte sobre o Miño da N-540 reciba o nome de Tomás Notario Vacas

O goberno local de Lugo aceptou a proposta do Colexio de Enxeñeiros de Camiños, Canles e Portos para...

Choca contra un coche aparcado e ten que ser excarcerada

Os bombeiros tiveron que excarcerar este venres a unha condutora que resultou ferida ao...

Identificado un condutor que circulaba a 220 km/h nunha estrada de 100 km/h tras subir un vídeo

A Garda Civil investiga a un condutor que circulaba a 220 quilómetros por hora nunha estrada limitada...