A deputada de Cultura Iria Castro participou esta tarde na presentación do sétimo volume da colección científica Philtáte, unha serie coordinada pola profesora da USC Dolores Dopico Caínzos e polo profesor Manuel Villanueva Acuña e editada polo Servizo de Publicacións da Deputación que é un referente internacional no estudo do mundo romano.
Este sétimo volume, que reúne unha quincena de artigos de investigadores de universades europeas, publícase baixo o título “…aut recepti beneficio se obligatos putant. Formas non coercitivas de transformación indíxena” e profundizan nos cambios inducidos por Roma mediante a concesión de diversos beneficios (inmunidade fiscal, aumento do territorio, autonomía xurídica, respecto aos seus iura e formas políticas) e outros estímulos persoais ou públicos.
No acto, celebrado no Pazo Montenegro coa participación dos coordinadores da colección e da vicerreitora de Cultura, Lingua e Patrimonio da USC Ana Cabana, Iria Castro destacou “a contribución destas publicacións a documentar e difundir o coñecemento que se xenera no ámbito universitario” e valorou “a importancia destas iniciativas de divulgacion científicas para dar solidez á proxección internacional do noso patrimonio”.
