- Advertisement -
O Concello de Lugo vén de instalar unha estatua do escritor Alfonso Daniel Rodríguez Castelao na rúa da Raíña co gallo do 100º aniversario da revista Nós.
Castelao fica agora mirando cara o Hotel Méndez Núñez, lugar onde se celebrou a cea posterior á I Asemblea Nacionalista de Lugo no 1918, acto no que o escritor de Rianxo estivo presente. A carón da estatua tamén se colocou unha placa cunha das famosas viñetas do autor.
Para o tenente de alcalde, Rubén Arroxo (BNG), esta homenaxe supón “saldar unha débeda histórica” que tiña a cidade de Lugo coa figura de Castelao.
