InicioCulturaEste domingo Vilalba celebra o Festival Internacional de Folclore

Este domingo Vilalba celebra o Festival Internacional de Folclore

Concello de Vilalba e Deputación realizan unha mostra da cultura galega en compañía de baile tradicional e costumes de Colombia, Senegal e Daguestán

PUBLICADA O

- Advertisement -

A cabeceira da comarca chairega alberga este domingo o Festival Internacional de Folclore de Vilalba. A cita tenta amosar a cultura galega ao tempo que achega os costumes e o baile tradicional doutras partes do mundo. Canda ás asociacións vilalbesas comparecerán grupos de danza e música de Colombia, Senegal e o Daguestán. 

Este evento conta coa participación tanto do Concello de Vilalba como da Deputación de Lugo. A Concellería de Feiras e Mercados e Asociacionismo Rural, que dirixe Cheri Grandío Pardo, consigna 4.800 euros ao certame; mentres que a autoridade provincial, por medio do departamento de Turismo que encabeza Eduardo Vidal Baamonde, achega outros 8.000 euros.

O deputado afirmou durante a presentación do Festival Internacional de Folclore que a ocasión “é unha gran oportunidade para os veciños de desfrutar de tradicións e costumes foráneas”. Vidal Baamonde convidou a todos os veciños e veciñas de Vilalba a pasar o domingo coa música e a danza propia e foránea.

Durante o domingo coincidirán catro agrupacións de catro países diferentes, amais da participación dos grupos de música folclórica da localidade.

O Grupo de Danzas Magisterio, de Albacete, ten como obxectivo recompilar e difundir todo o relacionado coa música, baile, vestiario, usos e costumes da provincia de Albacete dentro do entorno de folclore do país. O Grupo de Danzas Bakalama de Senegal amosará os costumes da cultura Thionck-Essy.

Os rapaces do conxunto coreográfico Ecos da Montaña de Daguestán basearán o seu repertorio no lezginka, o espírito marcial deste pobo caucásico, representado con tambores, zurnas e frautas. E da parte de Colombia, a compañía artística Crea Danza, exemplo do baile autóctono da rexión; dende 2003 manteñen viva a tradición cunha mestura entre o antigo e as danzas contemporáneas. 

A Asociación Xuvenil Entre Lusco e Fusco, a Asociación Cultural de Andrade e a Escola de Movemento son os grupos de baile de folclore galego que deleitarán aos veciños coas costumes e cultura galega.

A xornada desenvolverase este domingo a partir das 19.30 horas, cando os grupos participarán nun desfile con saída na Praza da Constitución. A comitiva, de arredor de 300 persoas, pasará polas Rúas Basanta Silva e rúa de Pravia. Media hora despois comezará o festival na Praza da Constitución; en caso de que o tempo non acompañe, as actividades trasladaranse ao Auditorio Municipal Carmen Estévez.

Aproveitando a presentación en sociedade do Festival Internacional de Folclore, o deputado de Turismo lembrou que durante o ano anterior a Deputación adicou 40.000 euros a iniciativas culturais en Vilalba. Entre outras, quixo salientar o as actividades do IESCHA, o Festival bandas e concertos, así como a colaboración con asociacións do Concello, a celebración de magostos, cursos de pandeireta ou baile tradicional, curso de fotografía dixital e Photoshop

ÚLTIMAS

O SLG alerta das xubilacións masivas en granxas e pide axudas para novas incorporacións e plans de mellora

Responsables do Sindicato Labrego Galego concentráronse este mércores en Lugo, diante do edificio da...

Traballadoras de residencias privadas mobilízanse en Lugo en demanda dun convenio digno

O persoal das residencias privadas de Galicia continúa coas súas mobilizacións en demanda dun...

O Concello de Lugo concede máis de 250 licenzas de obra en 2024 por máis de 100 millóns de euros

O Concello de Lugo tramitou en 2024 un total de 256 licenzas de obra,...

Investigan un veciño de Cervantes por vender sen autorización madeira dun monte comunal

Un veciño do municipio lugués de Cervantes figura como investigado pola Garda Civil por...