InicioCulturaO can de palleiro, protagonista dunha mostra fotográfica en Vilalba

O can de palleiro, protagonista dunha mostra fotográfica en Vilalba

O Concello de Vilalba agarda que esta exposición sirva para potenciar as colaboracións con asociacións e fomentar o turismo de congresos.

PUBLICADA O

- Advertisement -

O can de palleiro é o auténtico protagonista dunha exposición fotográfica que vén de ser inaugurada en Vilalba. ‘Clube Can de Palleiro. Raza autóctona galega’ é o título baixo o que a Casa da Cultura acolle esta mostra, que poderá visitarse ata o 17 de febreiro.

A exposición abriu ao público o pasado venres, da man do presidente e secretario de Clube Can de Palleiro, Juan Carlos Puente e Xosé Manuel Vales. Tamén os acompañaron a alcaldesa de Vilalba, Elba Veleiro, e o concelleiro de Turismo e Comercio, Modesto Renda.

Os representantes da asociación subliñaron o seu desexo de dar a coñecer a raza, así como as actividades que desenvolve a organización dende o ano 2002. Pola súa parte, dende o Concello consideran a mostra unha primeira colaboración coa entidade e daría pé a continuar coa súa “aposta” polo turismo de congresos. Así, agardan que “Vilalba poida ser a anfitrioa dunha asemblea xeral anual de socios, que traería uns 400 visitantes ao Concello”.

Na mesma liña se pronunciou a rexedora local, Elba Veleiro, que trasladou a “total vontade de colaboración” do Concello para que esta sexa “a primeira de moitas iniciativas conxuntas”.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...