InicioCulturaLugo, "capital española do cómic histórico"

Lugo, “capital española do cómic histórico”

PUBLICADA O

- Advertisement -

Lugo acollerá entre os días 25 de abril e 5 de maio o II Encontro de Banda Deseñada Histórica de Galicia, unha cita que congregará os mellores ilustradores galegos e que converterá á capital lucense, segundo os promotores deste evento, na “capital española do cómic histórico” por segundo ano.

Esta nova edición do salón do cómic histórico foi presentada pola deputada de Promoción Económica, Sonsoles López Izquierdo; acompañada polo director artístico, Manel Cranio, e o ilustrador Javier Montes.

Este segundo Encontro de Banda Deseñada Histórica de Galicia está organizado pola editorial especializada en cómico Demo Editorial e polo portal web Historia de Galicia, aínda que tamén colaboran a Asociación Galega de Profesionais da Ilustración e a Escola de Arte e Superior de Deseño Ramón Falcón, co patrocinio da Deputación.

O programa inclúe proxeccións, talleres de debuxo para nenos — habería que apuntarse en http://historiadegalicia.gal/ii-encontro-banda-desenada-historica-de-galicia/ –, unha ruta histórica polo Lugo romano –os interesados teñen que rexistrarse en www.rutasdehistoria.com– e unha masterclass sobre “A cor dixital”, impartida por Javier Montes, un ilustrador que traballa para as principais editoriais do sector, como Marvel, DEC, Dargaud ou Le Lombard.

Tamén foron programadas varias conferencias sobre o cómic histórico, que se desenvolverán no Centro de Artesanía e Deseño (Centrad), con Miguel Fernández, Manel Cranio, Javi Montes e José Barreiro como relatores.

Por último, para pechar a programación desta edición, o 5 de maio -a partir das 12:00 horas- na Sala Clavicémbalo proxectaranse películas e documentais sobre o cómic e desenvolverase unha sesión de contacontos históricos, a cargo de Avelino González.

ÚLTIMAS

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...

Panadeiros piden “un convenio moderno e con garantías para o sector” na provincia

Un grupo de panadeiros, en representación dos 1.500 que hai na provincia de Lugo,...