InicioComarca da FonsagradaNegueira de Muñiz“A Montaña Plántase”, xornada de convivencia en Negueira para frear os macroproxectos...

“A Montaña Plántase”, xornada de convivencia en Negueira para frear os macroproxectos eólicos

A xornada será o vindeiro seis de maio para mostrar o seu desacordo coa instalación de 10 proxectos de aeroxeradores nos terreos de Negueira.

PUBLICADA O

- Advertisement -

Colectivos e persoas do Concello de Negueira de Muñiz están a organizar para o próximo 6 de maio unha xornada de convivencia. En dita xornada queren compartir a súa preocupación polo modelo enerxético actual e as súas inminentes consecuencias.

No marco da instalación de macroproxectos eólicos “a Negueira aféctanlle 10 proxectos con 111 aeroxeneradores que cubrirían todos os cumios que arrodean o val do Navia”, din desde a organización. Engaden que o modelo eólico en Galicia non ten en conta a poboación nin os territorios e mesmo “salta as propias leis e declaracións de protección ambiental e que facilita trámites a grandes multinacionais acentuando dinámicas de expolio territorial”.

A xornada “A Montaña Plántase” busca defender a dignidade das terras que sosteñen a gran biodiversidade do val do Navia. Para iso organizáronse diversas palestras e obradoiros alternativas e argumentos a favor doutro modelo de transición ecolóxica baseado na “reducción do consumo innecesario garantizando o básico, potenciando a produción local e o consumo de proximidade”.

Para as persoas que están a organizar a xornada “as zonas rurais non teñen por que soportar o coste dun modelo consumista e depredador que recorre ao expolio dos recursos naturais”. Por iso queren comunicar a súa mensaxe nun espazo de convivencia no que non faltará a música e o bo ambiente co que plantarse frente ao colapso ecolóxico.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...