InicioSociedadeMobilización no Bierzo para darlle status cooficial ó galego

Mobilización no Bierzo para darlle status cooficial ó galego

"Ignorar o galego nas institucións sería un grave incumprimento da lexislación lingüística", avisan.

PUBLICADA O

- Advertisement -

Continúan as mostras de achegamento entre a Comarca do Bierzo e a lingua e cultura galegas. A última demostración desta proximidade vén de poñela o Colectivo Cultura Fala Ceibe do Bierzo cunha proposta ó Consello da Comarca para darlle un status de cooficiliadade á Lingua Galega. Segundo explican nun comunicado, o Consello Comarcal “ten aberto o período de alegacións do seu Regulamento”, unha circunstancia aproveitada pola plataforma para propoñer o “recoñecemento expreso” do “bilingüismo berciano.

Esta puntualización vén dada porque, segundo sinalan dende a asociación, “xa existe un recoñecemento legal” de dito bilingüismo a través do Estatuto de Autonomía de Castela e León e da propia Lei da Comarco Bierzo, na que se estipula que a lingua galega “gozará de respecto e protección nos lugares en que habitualmente se utilice. Ante estes fundamentos xurídicos, dende Fala Ceive instan ó Consello Comarcal a “admitir ese bilingüismo administrativo de xeito expreso no seu articulado”, xa que ignorar o galego na actividade política e administrativa sería un grave incumprimento da lexislación lingüística internacional, española e autonómica, ademais dunha falta de respecto aos bercianos galegofalantes”.

Dende a Fala Ceive xustifican a inclusión do Galego como lingua vehicular da administración atendendo a un artigo da Lei de bases do réxime local de 1985, que apunta que as corporacións “facilitarán a máis ampla información sobre a súa actividade”. “Disto deducimos que esa obliga de ‘a máis amplia información’ pódese exercer mellor en varios idiomas”, subliñan dende a plataforma antes de destacar que “no caso do Bierzo débese practicar o uso administrativo das dúas linguas con recoñecementos legais”.   Esta nova mobilización en favor do recoñecemento da lingua e cultura galega no Bierzo chega semanas despois de que veciños do Bierzo agrupados na plataforma A Quinta pedirán integrarse en Galicia como unha nova provincia, tal e como publicou Lugo Xornal.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...