InicioBierzoVeciños do Bierzo piden integrarse en Galicia como unha nova provincia

Veciños do Bierzo piden integrarse en Galicia como unha nova provincia

O trámite estaría contemplado na Constitución pero precisaría reformar o Estatuto de Autonomía

PUBLICADA O

- Advertisement -

Podería Galicia pasar a ter 5 provincias no canto de 4? É a pregunta que deixa aberta o manfiesto fundacional da asociación A Quinta, que este mesmo xoves vén de constituírse como unha alianza social para pedir a integración dos 28 concellos da comarca do Bierzo en Galicia como unha provincia máis.

Segundo apuntan no seu manifesto fundacional, desenvolto en galego e castelán, as “continuas mostras de achegamento” entre ambos territorios, así como o “sentir provincialista maioritario” dos veciños do Bierzo obrigan á clase política a buscar o “consenso necesario” para proceder á creación desa quinta provincia.

Tal e como dispoñen no mesmo texto, a Constitución do Estado español recolle, no seu artigo 141, a posibilidade de que se produzan “alteracións dos límites provinciais”. Este mesmo caso hipotético, lamentan dende a asociación, foi excluído do Estatuto da Autonomía de Galicia, non así do de Castela e León. Por esta razón, apuntan dende a organización A Quinta, sería precisa unha reforma por parte do Parlamento de Galicia do noso estatuto, modificación que os autores do manifesto marcan como obxectivo a seguir.

UNHA COMARCA FLUCTUANTE

Tal e como apuntan dende A Quinta, a disposición histórica da comarca do Bierzo presenta unhas fluctuacións que, a nivel histórico, virían a xustificar a posibilidade de incluíla no ordenamento territorial de Galicia. “Non debemos esquecer que O Bierzo existiu dentro da organización territorial española como comarca pertencente a Galicia ou a León
no pasado. Incluso foi declarada provincia na proposta administrativa de 1832 segregada de Ourense e León”, destacan.

ÚLTIMAS

O PP esixe ao Goberno que a provincia de Lugo estea no mapa das infraestruturas ferroviarias

O senador por Lugo e coordinador xeral do Partido Popular provincial, José Manuel Balseiro,...

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...