A ameaza de nevaradas moderadas, con acumulacións de ata 22 centímetros a partir dos 500 metros de altitude, levou a suspensión anticipada das clases en catorce centros da Montaña. Porén, as previsións iniciais foron superadas pola potencia da borrasca, con episodios de forte vento, desbordamento de ríos e problemas en estradas de toda a provincia. Finalmente, o número de alumnos afectados resultou ser o dobre do previsto.
Continuarán os chuvascos de neve toda esta tarde e aínda mañá pola mañá. Son chuvias de carácter intermitente e no momento de rexistrarse baixa bruscamente a temperatura, como o sucedido en #Lugo capital que pasaron de 4ºC a 1ºC en menos dunha hora, deixando as primeiras folerpas pic.twitter.com/3AdkPL7C3A
— MeteoGalicia (@MeteoGalicia) 1 de febreiro de 2019
Este venres, a Consellería de Educación informou de que 17 centros de ensino de Lugo suspenderon as clases, con afectacións nun total de 20 concellos: a complicada climatoloxía tivo impacto tamén en zonas da costa, a Chaira e o sur da provincia. Así, 1.582 estudantes quedaron sen acudir ás aulas.
Fai unha hora aproximadamente na Gañidoira, Lugo. @OTempoTVG #OlaOTempo @4gotas_com #neve #nevaengalicia #BorrascaHelena pic.twitter.com/uq1h4fFgAK
— O Parrulo Fotógrafo (@OParruloFoto) 1 de febreiro de 2019
As localidades afectadas polo temporal corresponderon na maioría á Montaña, nas comarcas da Fonsagrada, Os Ancares, O Courel e Sarria. Os fenómenos meteorolóxicos adversos tiveron impacto tamén nos concellos de Mondoñedo, A Pontenova, Antas, Monterroso, Guitiriz, Begonte, Castroverde e Sarria. Ademais, en Taboada houbo 107 alumnos afectados, aínda que sen cancelación das clases.
Llegando a Lugo en coche desde Cáceres con mucha #nieve hemos conseguido pasar #Piedrafita #nevando con @jtorreci para la Conferencia de Directores de Escuela de #IngenieríaCivil en @EPSLugo @UniversidadeUSC @citop_ex @citopic @cardueab @EPCC_Unex @EstudiantesEPCC @infouex pic.twitter.com/PRwif8tH9E
— Pablo Gª Rguez (@pablogarguez) 1 de febreiro de 2019
