Estabilidade no número total de casos activos por coronavirus na área de Lugo. Segundo o último balance de datos de Sanidade, son 204, os mesmos ca onte. Nas últimas 24 horas detectáronse 13 novos positivos a través de PCR, unha cifra lixeiramente superior á da xornada anterior.
Con todo, segue en aumento a presión asistencial nos hospitais da provincia, que hoxe atenden 16 pacientes (+1). Deles, catro permanecen na Uci do Hula e outros doce están en planta (6 no Hula, 2 na Mariña, 4 en Monforte).
Dende o inicio da pandemia, faleceron 213 persoas diagnosticadas de Covid-19 na provincia de Lugo, curáronse 11.965 e realizáronse 222.226 probas PCR.
GALICIA
Tendencia semellante é a que se experimenta no conxunto da comunidade galega, onde se mantén a tendencia á alza na presión hospitalaria (220 pacientes, o que son seis máis). Á súa vez, os casos activos volven incrementarse lixeiramente, pero os novos contaxios detectados caen. Podes ler a información completa no Galicia Confidencial.