A decisión do PP de apoiar ao ex líder socialista, Manuel Martínez, agora no grupo dos non adscritos, no SUPLUSA, abriu un novo enfrontamento entre populares e socialistas.
E todo, pola decisión do PP de aprobar na xunta xeral deste organismo dous salarios que suman 100.000 euros; un para o propio Martínez de 57.000 euros e outro para contratar a un asesor por 41.000. Uns salarios que irían en contra da política de austeridade que predica este partido na Xunta e que nunca existiron neste organismo.
Por iso, a Deputada de Promoción Económica e Benestar Social, Sonsoles López Izquierdo, denunciou “a puñalada que dá o PP a todos os lucenses co gasto de máis de 100.000 euros en soldos en SUPLUSA e doutros 1.300 euros por cada día de reunión”. Refírese aos 151 euros que recibirán os conselleiros por asistir a calquera reunión que decidan convocar.
“É un escándalo, o partido das puñaladas, condenado por corrupción, aproveita fondos públicos para pagar non se sabe que favores, logo de quedar demostrado que utilizou cartos en B para facer pagos agora o PP cambia os Estatutos de SUPLUSA, non quere falar desto no Pleno, con luz e taquígragos, e malgasta fondos públicos para pagar eles saberán o que”, indicou López Izquierdo.
