A Terraza do Pazo, no Pazo de Feiras e Congresos de Lugo, presentaba a principios de agosto un cartel de concertos con bandas e propostas musicais de moita calidade. Concertos que foron completando a proposta deste espazo hostaleiro situado na contorna do río ao combinar música en directo, terraza e servizo de comidas.
Dende o 7 de agosto, pasaron xa pola Terraza do Pazo os grupos MU2, Rayones, Niño Asqueroso, Ruxe Ruxe, e Cabuxa Blue. E para pechar o ciclo, este venres 25 de setembro actuará o grupo Susie Q’s e o sábado 26 chegará dende Monforte a banda Doc Magoo’s.
Todos os concertos de balde para o público e programados para as 21:00 h.
SUSIE Q’S
Partindo do Rock & Roll como base, esta veterana banda ourensá incorpora estilos cos que os compoñentes coinciden como poden ser o blues e o country.
DOC MAGOO’S
Esta banda monfortina, que leva 26 anos rodando polos escenarios de toda Galicia, versiona aos grandes de todos os tempos. Nos seus concertos pódense escoitar temas míticos de rock & roll da escena musical internacional como, por exemplo, Neil Young, The Black Crowes, Prince, Police, Rolling Stones, Lenny Kravitz, The Doors, Beatles ou Bob Dylan.
