O Club Deportivo Lugo empatou ante o Elche C.F. (2-2) cun doblete de José Carlos Lazo con dúas obras de arte con disparos lonxanos e axustados partindo dende banda esquerda.
Os lucenses dominaron posicionalmente ao comezo con chegadas por banda de José Carlos Lazo e Gerard Valentín. O Elche xeraba a balón parado. No minuto 31, o lateral dereito Alexander González marcou o 0-1 cunha volea dende dentro da área despois de controlar a pelota e disparo axustado ao segundo pau despois dun saque de banda de Juan Cruz e un despexe centrado de Miguel Vieira. Puido empatar o Lugo cun remate de cabeza lixeiramente cruzado de Toni Martínez tras un centro de José Carlos Ramírez, hoxe lateral esquerdo.
Na segunda metade, empatou José Carlos Lazo cun golazo de disparo dende fóra da área tras conducción e golpeo preciso ao primeiro pau. Volveuse adiantar o Elche con outro golazo, neste caso de Yacine Qasmi, ex da S.D. Compostela, cun disparo á escadra de dereitazo tras pase filtrado de Alexander González. Igualou novamente Lazo cun disparo de rosca fermosísimo tras unha nova conducción perfilándose dende banda esquerda até atopar o ángulo de golpeo. Dende aí, o Lugo puido adiantarse cun disparo de Tete Morente, un remate de cabeza de “Josete” Malagón e outro disparo lonxano de Juan Muñiz. Dende aí, ida e volta para o 2-2 final.
Os lucenses son decimoitavos con 27 puntos, mais perderon o average polo 2-1 da primeira volta.
Na previa, Manu Rodríguez, ex xogador do Club Deportivo Lugo e autor do gol do ascenso en 2012, foi homenaxeado polo club lucense e pola Federación de Peñas do C.D. Lugo.
