A alcaldesa de Lugo, Elena Candia, e o concelleiro de política social, maiores e migración, Gustavo Díaz, mantiveron unha reunión de traballo co persoal  do Servizo de Axuda no Fogar (SAF) e coa empresa concesionaria, Aralia, para analizar a situación actual do servizo e avanzar nas medidas que permitan reducir a lista de espera existente na cidade.

Na actualidade, o Concello de Lugo presta atención a 636 familias a través dun servizo no que traballan arredor de 200 profesionais e que constitúe un dos principais recursos de apoio ás persoas maiores e dependentes.

Durante a xuntanza abordouse a posta en marcha dun plan de choque para reducir progresivamente a lista de espera, na que actualmente figuran 567 persoas

A primeira medida pasa por introducir melloras no contrato, incrementando o número de horas de atención dispoñibles para axilizar a incorporación de novos usuarios, priorizando os casos con maior nivel de dependencia, especialmente as persoas recoñecidas con Grao II, co fin de dar resposta ás situacións de maior necesidade

A actualización do prezo/hora aprobada pola Xunta que pasa a pagar dos 12 € a 16€ a hora de atención do SAF permitirá ao Concello dispoñer aproximadamente 900.000 euros adicionais ao ano para destinar á redución das listas de espera.

A alcaldesa subliñou que “a situación das listas de espera require unha resposta inmediata. Estamos a falar de persoas e familias que precisan apoio no seu día a día e que non poden seguir esperando. O noso compromiso é aproveitar todos os recursos dispoñibles para ampliar o servizo e reducir progresivamente esta lista”, sinalou.

A alcaldesa lembrou ademais que a mellora do Servizo de Axuda no Fogar figura entre os compromisos recollidos no proxecto de cidade defendido polo actual goberno e destacou a importancia da recente actualización do financiamento autonómico por hora de servizo, unha medida que permitirá dispoñer de máis recursos para seguir reforzando a atención ás persoas dependentes.

Aviso de corte de auga esta tarde

• Rúa Amizade, marxe esquerda, entre os números 1 e 5.
• Rúa Hermanitas.
• Rúa Río Neira.
• Praza de Mártires de Carral.

Os traballos levaranse a cabo ao longo da tarde de hoxe

O Concello lamenta as molestias que esta actuación poida ocasionar