Scania chega ao Polígono As Gándaras, lugar no que poñerá en marcha un novo taller nunha superficie aproximada dun 1000 m². Nesta fase previa á apertura, a recoñecida marca iniciará un proceso de contratación para incorporar varias persoas que formarán parte do equipo de traballo.
“Trátase dunha etapa crave no desenvolvemento do proxecto, xa que a selección de profesionais cualificados será determinante para garantir a calidade do servizo e o funcionamento óptimo das instalacións”, refiren dende Scania. A compañía busca incorporar talento local con experiencia no sector, comprometido cos valores de eficiencia, innovación e sustentabilidade que caracterizan a marca.
Dende a corporación adiantan tamén que ofrecerán ao persoal laboral unha formación continua, programas de desenvolvemento personalizado, medidas de conciliación, benestar físico e emocional, e unha contorna baseada na confianza.
A apertura do taller supón un reforzo na rede de servizo de Scania en Galicia e unha oportunidade laboral para profesionais do sector na provincia de Lugo.
