O ucraíno Orest Lebedenko foi presentado oficialmente este mediodía coma novo lateral esquerdo de Club Deportivo Lugo até o 30 de xuño de 2023.
Lebendeko describiuse coma “un xogador máis ofensivo que defensivo” e que lle “gusta moito atacar”. Explicou que falou co seu compatriota Vasyl Kravets e díxolle que “nin o dubidase”. Tamén comentou que viu “moito partidos do Lugo antes de tomar a decisión”, “é un equipo que xoga moi ben ao fútbol” e “é un equipo perfecto para medrar” polo estilo de xogo. Lembrou que “todo o mundo sabe que é un club familiar”. “O meu soño dende neno era xogar en España, estou moi emocionado”, afirmou.
O lateral esquerdo internacional sub 21 con Ucraína procede do Karpaty Lviv, equipo no que adestra agora o lucense “Fabri” González dende recentes datas. “Cadrei catro días con el. Díxome que viñera sen pensalo, é un gran club, unha gran cidade e, sobre todo, vas a comer moi ben alí”, declarou.
