O senador do PSdeG pola provincia de Lugo, César Mogo, acusou ao Partido de Lugo de “falsificar” as respostas do Goberno sobre Altri e considerou que a formación capitaneada por Elena Candia converteuse nunha “máquina de mentiras”.
Así o sinalou despois de que este xoves os populares lucenses ofrecesen unha rolda de prensa na que aseguraron que o Goberno central “desautoriza” ao secretario xeral do PSdeG, José Ramón Gómez Besteiro, e á ministra de Traballo, Yolanda Díaz, en relación ao proxecto de Altri ao asegurar que “favorecerá a atracción de novos proxectos industriais” que sexan compatibles coa normativa.
En declaracións difundidas aos medios –que acompaña de senllas respostas remitidas polo Executivo central aos senadores populares en setembro de 2024–, César Mogo subliña que o Goberno “non lles di se vai haber un investimento de Altri ou non”. “Limítase a lembrar os requisitos. Non di máis”, sinala.
Deste xeito, César Mogo acusou aos senadores do PP pola provincia de “mentir” tanto a respecto das palabras do Goberno como do secretario xeral do PSdeG, José Ramón Gómez Besteiro, que, conforme apunta, “non anunciou ningunha decisión”, senón que “se limitou a dicir que pedir 250 millóns para un investimento de 1.000 millóns, moito parecíalle” polo que “iso non podía ir a bo destino”.
“Por tato, nin o Goberno dixo o que amenten os senadores do PP, nin o secretario xeral dixo o que amenten os senadores do PP, concretamente nesta ocasión o señor Barreiro”, afirmou.
César Mogo considerou que “moi mal se debe de ver” o PP “cando necesita recorrer a mentiras facilmente desmontables para xustificar un investimento estrela” que, segundo sinalou, a formación popular anunciou “con fins electorais”.
Mogo insiste en que o Goberno sinala que “simplemente se están examinando os requisitos de Altri” e que tampouco hai “maior pronunciamento” por parte do Partido Socialista que considerar que se trata dunha “petición de fondos desproporcionada”.
