Alberto Jiménez Monteagudo, adestrador de Club Deportivo Lugo, compareceu en rolda de prensa previa ao partido contra o Real Sporting de Gijón mañá sábado no estadio Ángel Carro a partir das 13 horas.
Monteagudo afirmou que queren “confirmar un pouco esa dinámica”, “é un partido como para enviar unha mensaxe” que van “tentar mirar un pouco máis alto e non sofrer polas posicións de abaixo”. Ademáis, considera que o Sporting é “un rival idóneo entre comiñas por como vén” porque vailles “confirmar” se os lucenses son capaces de gañar.
Opinou que deben “deixar centrar menos”.
O adestrador albivermello comentou que “hai algunhas molestias, algunha pequeña dúbida, pero, en principio, a xente está ben”, ademáis do “sancionado (Luis Ruiz)”. “Mañá confirmaremos se está todo o mundo ben”, explicou. Aclarou que “Vasyl (Kravets) está ben” despois de ser baixa na convocatoria pasada.
Contestou que, en relación a Jona Mejía, “o obxectivo é tentar poñerlle balóns para recuperalo, sobre todo, a nivel de sensacións súas para que faga gol”. Subliñou que traballa e está “con gañas de facer as cousas”, así como é “o dianteiro máis centro”, “máis puro” e “máis referencia” que teñen. “Saiu con moi boa actitude, na xogada que ten non decide ben”, valorou sobre o papel do dianteiro malagueño na pasada xornada.
