Un home natural de Viveiro e afincado en Lugo perdeu a vida como consecuencia do impacto do vehículo no que viaxaba contra unha vaca. O suceso, que segundo a Delegación do Goberno deixa outros tres feridos de consideración, produciuse na noite do mércores en Cantabria, na A-8 sentido Asturias.
As fontes de Tráfico recollidas polo GaliciaConfidencial afirman que a Garda Civil recibira avisos, contra as 23.30 horas do mércores, de que alomenos unha vaca entrara na A-8. Especúlase con que os animais puideron acceder á autoestrada pola conexión de Quijas.
O Instituto Armado informou desta circunstancia ao posto de vixilancia da Dirección Xeral de Tráfico en Valladolid, indicando a presenza dos animais nos paneis informativos da autoestrada para advertir aos condutores.
