- Advertisement -
En Friol sobre as nove da mañá un particular deu aviso dun accidente na vía LU-934, ao seu paso por Prado. Debido a que o implicado parecía estar atrapado, deuse aviso aos Bombeiros de Vilalba e ao GES Friol-Pas. Tamén a Urxencias Sanitarias-061, ademais de informarse a Garda Civil e Protección Civil.
Os bombeiros, aínda que mobilizados, non chegaron ao lugar do sinistro despois de confirmarse que a persoa xa estaba fóra do auto. Para iso, os integrantes do GES tiveron que levantar o vehículo e abrir a porta para acceder á persoa, sen necesidade de material de rescate. Posteriormente, foi trasladado polo persoal sanitario.
