O Cafés Candelas Breogán participou esta mañá nunha “xornada de concienciación” xunto a COGAMI (Confederación de Asociacións de Persoas con Discapacidade) de Lugo “para coñecer mellor o día a día de persoas con capacidades diferentes”. Tal e como lembra o Breogán, “moverse pola cidade en cadeira de rodas ou cun bastón non é tarefa doada”.

No acto, participaron os xogadores breoganistas Aleksandar Cvetkovic, Ricardo Úriz, Romaric Belemene, Henk Norel e Herve Kabasele, os técnicos axudantes Óscar Lata e Pablo Abuín, así como o director deportivo, Quique Fraga. Xogadores do plantel breoganista xa visitaron o centro de día de COGAMI a semana pasada.

Foi un evento que forma parte do acordo de patrocinio entre o Breogán e maila Deputación de Lugo.