O ala-pívote lucense Fran Vázquez, xogador de Tecnyconta Zaragoza, foi convocado pola selección española absoluta de baloncesto para xogar a quinta fiestra FIBA de clasificación para o Mundial de 2019. Vázquez foi seleccionado en tres das catro convocatorias desta fase clasificatoria.

O chantadino forma parte da lista de 16 xogadores para enfrontarse a Turquía en Ankara o xoves 29 de novembro e a Ucraína o domingo 2 de decembro en La Laguna (Tenerife).

España é lider do Grupo 1 con sete vitorias e unha derrota.

Tamén están citados os galegos Alberto Abalde e Jonathan Barreiro, así como Nacho Llovet, xogador de Monbús Obradoiro.