O Club Deportivo Lugo perdeu na súa visita ao Albacete Balompié (1-0) na decimocuarta xornada de La Liga 1|2|3.
Despois dunha primeira metade con máis chegadas locais, especialmente pola banda defendida por Iriome, lateral dereito titular, que sofreu considerablemente. O Lugo gozou dunha ocasión ao comezo cun zurdazo alto de José Carlos Lazo, ademáis dalgunha leve opción en faltas indirectas botadas por Juan Muñiz.
Os albaceteños tiveron ocasións na segunda metade cun zurdazo de Santiago Gentiletti desviado por Juan Carlos Martín, un cabezazo liberado posterior de Roman Zozulya despois dun saque de esquina e un cabezazo de Jeremie Bela tras un centro de Eugeni Valderrama. Un gol de Jeremie Bela supuxo a vitoria albaceteña no minuto 84 despois dun pase filtrado de Eugeni Valderrama e un disparo seco e axustado ao primeiro pau do extremo francés. Os lucenses apenas gozaron de profundidade durante todo o partido.
O Club Deportivo Lugo é decimosétimo con 13 puntos.
