O Rally Comarca da Ulloa chega a súa décima edición os vindeiros días 16, 17 e 18 de novembro polos concellos lucenses de Palas de Rei e Monterroso, así como polo coruñés de Melide. Ten un percorrido de 276 quilómetros e hai 70 inscritos. A proba puntúa para o campionato galego de rallys de asfalto.

José Manuel Balseiro, delegado da Xunta de Galicia en Lugo, comunicou que o goberno autonómico colabora con 7000 euros, así como nas Subidas a Chantada e da Pontenova, e no Rally San Froilán.