Os Bombeiros de Lugo recuperaron este martes pola noite un cadáver en avanzado estado de descomposición en augas do río Miño, segundo a información confirmada a EFE polo Corpo Nacional de Policía. A Comisaría Provincial de Lugo foi alertada poucos minutos antes das 21 horas, por parte dun particular, do achado do que parecía un cadáver en augas do río Miño, na parroquia de Conturiz.

Ata o lugar desprazouse de inmediato unha patrulla da Policía Nacional, cuxos axentes comprobaron que era imposible acceder a pé ata o lugar no que se achaba o corpo.

Finalmente, presentáronse os Bombeiros de Lugo, quen, con axuda dunha embarcación, lograron achegarse ata o lugar no que estaba o cadáver e recuperar o corpo, que estaba en avanzado estado descomposición.

Por mor do seu estado, foi imposible identificar á persoa falecida, polo que o cadáver foi trasladado ao HULA, onde se lle realizará a autopsia para determinar as causas da morte. Ao mesmo tempo, iniciouse unha investigación para identificar á persoa falecida.