InicioPolíticaAs eivas do bus Lugo - Láncara discutiranse no Parlamento

As eivas do bus Lugo – Láncara discutiranse no Parlamento

Logo da ameaza do alcalde socialista de Láncara de denunciar as deficiencias da liña de bus ante a Fiscalía, o BNG anuncia que levará as incidencias ao Parlamento

PUBLICADA O

- Advertisement -

O alcalde socialista de Láncara, Darío Piñeiro López, ameaza con levar a situación do bus Lugo – Láncara perante a Fiscalía. Para tal fin convocaría un pleno extraordinario se a Xunta non restablece a liña suprimida, empregada como transporte escolar. A situación chegou a tal punto que o Bloque Nacionalista Galego levará as eivas do transporte ao Parlamento de Galicia.

Anteriormente unían Lugo e Láncara dúas liñas, unha ás 14.35 e outra ás 15.30 horas, pero eliminouse a primeira e agora un único autobús compartido co servizo escolar resulta insuficiente para atender a demanda. Ademais, os alumnos deben esperar máis tempo dende que saen dos institutos, cando antes coincidía co remate das clases.

Socialistas e veciños teñen solicitado en reiteradas ocasións recuperar esta liña de bus. Entre outra iniciativas, celebrouse un pleno ordinario coa recollida de 400 firmas de veciños. En resposta, o delegado da Xunta anunciou a pasada semana que restituiría o horario das 14.35, dentro da conexión entre a capital lucense e a Pobra de San Xiao.


Porén, o rexedor de Láncara asegura que as condicións seguen a ser perigosas para os viaxeiros; sen prazas suficientes, moitos nenos viaxan no corredor e no chan do autobús. Para Darío Piñeiro, nesta situación, o goberno galego está participando dunha ilegalidade e poñendo en perigo a vida dos alumnos e do resto de pasaxeiros.

Como explicou a parlamentaria nacionalista Olalla Rodil, “a comezos do mes de outubro, o alumnado do Concello de Láncara que cursa estudo na cidade de Lugo denunciou publicamente as condicións nas que ten lugar o servizo de transporte”. Fronte ás condicións derivadas da entrada en vigor do novo Plan de Transporte da Xunta, o BNG reclamará ao Partido Popular que sexa restituída a liña.

Dende o Bloque aseguran que só así poderán atenderse as necesidades da poboación, especialmente a máis nova. Así mesmo, fan eco da necesidade de que as paradas do autobús se produzan no centro da Pobra de San Xiao, e non no apeadoiro da LU-536, pola perigosidade que carrexa para a veciñanza. “A empresa concesionaria sempre rexeitou esta cuestión asegurando que retrasaría a combinación cos servizos ferroviarios, porén, xa non hai tren ningún”.

+ posts

ÚLTIMAS

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...

Tomé, convocado por “erro” á xunta de portavoces provincial para asinar a declaración contra a violencia de xénero

A sinatura da declaración institucional con motivo do 25 de novembro, Día Internacional da...

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...