Javi López, adestrador do Club Deportivo Lugo, adiantou que o lateral dereiro Eduard Campabadal “non vai xogar porque sería meterlle unha carga desproporcionada” no partido de mañá ante a Agrupación Deportiva Alcorcón no estadio Ángel Carro a partir das 20 horas na terceira rolda de Copa do Rei. Campabadal competiu nas últimas tres xornadas de Liga e na segunda rolda de Copa despois de sofrer unha grave lesión en decembro pasado. Afirmou que ten “varias opcións” nese posto con xogadores que non compiten habitualmente nesa demarcación e “igual” dalle “45 minutos e 45 minutos a dous xogadores”.
López respondeu que “Josete” Malagón, sustituido na pasada xornada en Tenerife, “vaise recuperar perfectamente esta semana”.
Opinou que o Alcorcón é un “moi bo equipo, fixo funcionar a un colectivo moi ben, un equipo presionante, está moi ben organizado, traballa ben as transicións, tamén é capaz de manexar o balón e defende moi ben”.
